Мојата мрачна Ванеса

2000 г.

Соочена со првите тешкотии во животот, но амбициозна и желна за побрзо да порасне, Ванеса Вај е втора година во престижно средно училиште кога влегува во афера со Џејкоб Стрејн, магнетски привлечен професор по книжевност.

2017 г.

Речиси дваесет години подоцна, со бранот обвиненија против моќни мажи, старите гревови пристигнуваат за наплата. Некогашната ученичка го обвинува Стрејн за сексуална злоупотреба и очекува од Ванеса да го стори истото. Ванеса е вџасена, бидејќи нејзината врска со Стрејн била љубов. Во тоа е сигурна. Сепак, црвот на сомнежот ù ги нагризува сеќавањата и таа почнува да ги преиспитува спомените, да размислува за сè што се случило, за повторно да ја дефинира љубовната приказна, која всушност никогаш не завршила и која го обележува нејзиното постоење, нејзиниот живот. Дали навистина била жртва, и тоа само една од многуте?

Пред неа е невозможен избор: дали да остане нема, цврста во уверувањето дека своеволно влегла во таа младешка врска или да гледа со поинакви очи на себе и на своето минато?
Но, како да се откаже од својата прва љубов, од човекот кој ја променил од корен и бил секогаш присутен во нејзиниот живот? Дали е возможно всушност воопшто да не го познава мажот кој како девојка толку го сакала и кој ù се колнел дека ја обожава само неа?